“Türkmenistan” awiakompaniýasy ýene bilet bahalaryny arzanladar
Arzanladyş Aşgabadyň Halkara howa menzilinden Dubaý, Kazan, Moskwa we Stambul şäherlerine uçýan uçarlara we diňe türkmen raýatlaryna degişli bolar.
Agzalan şäherleriň uçar petekleri awiakompaniýanyň resmi web-saýty ýa-da mobil goşundylary arkaly onlaýn satyn alnanda, fewral aýyndan başlanýan uçuşlarda 30,7 göterim ýeňillikli baha hödürlenýär; eger petekler awiakompaniýanyň kassalaryndan satyn alynsa, onda petek bahasy onlaýn usulda satyn alnandakydan 2,5 göterim töweregi gymmat bolar.
Ozal neşir “Türkmenistan” awiakompaniýasynyň Dubaý, Kazan, Moskwa, Stambul, Frankfurt şäherlerine amala aşyrylýan uçar gatnawlarynyň petek bahalarynyň ortaça 2,5 göterim arzanladylandygyny habar beripdi.
“Türkmenhowaýollary” häzirki wagtda Aşgabatdan Dubaýa (BAE), Maýndaky Frankfurta (Germaniýa), Stambula (Türkiýe), Kazana (Tatarstan, RF) we Moskwa (RF) dowamly uçuşlary amala aşyrýar.
Bilet bahalarynyň arzanladylmagy baradaky habar türkmen häkimiýetleriniň awiakassalarda giň ýaýrandygy aýdylýan korrupsiýany bölekleýin tassyklap, nobatdaky telewideniýe 'tobalaryny' halka ýetirmeginiň yz ýanyna gabat geldi.