Gazagystanda protestçi esgeri öldürmekde günäli tapyldy, oňa 17 ýyl berildi

Gazagystanyň günortasyndaky Kyzylorda şäherinde sud ýanwarda ýurtda ozal görlüp-eşidilmedik gerimdäki hökümete garşy protestleriň gatnaşyjysyny 17 ýyl türme tussaglygyna höküm etdi. Sud Kazybek Kudaibergenowy protestleriň dargadylan pursady ulagyny bir esgeriň üstüne sürüp, ony öldürmekde günäli tapdy.


34 ýaşly Kudaibergenowa höküm 29-njy noýabrda çykaryldy. Ol özüniň günäsizdigi aýtdy.


Kudaibergenowanyň aýaly, Inkarim Sultanowa, esgeriň jesediniň iki barlagynyň bolandygyny, olaryň netijeleriniň hem biri-birine çapraz gelýändigini belledi we adamsynyň garşy gozgalan işiň şübhelidigini aýtdy.


Ýanwardaky protestlerde Kyzylordada şahsy düzümiň hataryndan 26 adam öldürildi.


Kudaibergenow protestleriň dowamynda we ondan soň tussag edilen müňlerçe adamyň biridir. Protestlerde ýurt boýunça 38 adam, şol sanda kanun goraýjylaryň hataryndan 19 işgär heläk boldy.