“Talybanyň” aýallar babatyndaky çäklendirmeleri “adamzada garşy jenaýat” saýylyp bilner – BMG ekspertleri

“Talybanyň” owgan aýallary we gyzlary babatyndaky çemeleşişi, şol sanda olary seýilgählere we sport merkezlerine goýbermezligi, mekdeplerde we uniwersitetlerde bilim almagyna rugsat bermezligi adamzada garşy jenaýat hökmünde häsiýetlendirilip bilner diýip, BMG-niň ekspertleri 25-nji noýabrda mälim etdiler


BMG-niň Owganystan boýunça ýörite hasabatçysy Riçard Bennet we BMG-niň ýene-de dokuz eksperti "Talybanyň" aýal-gyzlar babatyndaky syýasatyny, Owganystanyň hem gol goýan Rim düzgünnamasyna laýyklykda, “jynsy yzarlama” hökmünde häsiýetlendirip boljakdygyny aýtdy.