Hukuk toparlary ganly basyp ýatyrmalary ýazgarýar, eýranlylar protestlerini dowam etdirýär

Adam hukuklaryny goraýjy guramalaryň otuzdan gowragy Tähranyň baş örtüsini düzüwli geýmezlikde aýyplanan we tussaglykda ölen gyz sebäpli protest bildirýän adamlary gazaply basyp ýatyrmagyny ýazgardy, tutuş ýurdy sarsdyran gozgalaňlara gatnaşýan eýranlylar yza tesmek alamaty görkezmediler.


“Amnesty International”, Human Rights Watch we beýleki toparlar Eýranyň tutuş ýurt boýunça geçirilýän protestleri rehimsiz basyp ýatyrmaga ýurduň "gowy ýola goýlan repressiýa enjamlaryny mobilizlemeginden" “çuňňur aladalaryny” bildirýärler.


Eýranyň düýbi Osloda ýerleşýän adam hukuklary topary protestler basylyp ýatyrylanda azyndan 215 adamyň, şol sanda 27 çaganyň öldürilendigini aýtdy, Eýranyň maglumat ministrine, ýurduň “ahlak polisiýasyna” we beýleki ýokary derejeli resmilerine garşy gadaganlyk girizmek bilen, Ýewropa Bileleşigi hem protestçileriň gazaply, rehimsiz basylyp ýatyrylmagyny ýazgaryp çykyş etdi.