Tähranyň günbataryndaky Karaj şäherinde bir mekdebiň okuwçylarynyň, käbiri baçy açyk ýagdaýda, Eýranyň Bilim ministrliginiň resmisi bilen dawalaşyp, ony mekdepden kowup çykaryşyny görkezýän wideo peýda boldy. 16-njy sentýabrda tussag edilen 22 ýaşly zenanyň ölümi sebäpli başlanan we tutuş ýurdy gaplap alan protestleriň dowamynda onlarça adam öldürildi. Mahsa Amini başy açyk gezmekde ýa-da hijabyny düzüw geýmezlikde aýyplanyp, ýurduň ahlak polisiýasy tarapyndan tussag edildi.
