Türkmen DIM-inde ýaraglara gözegçilik maslahaty edildi

Türkmenistanyň daşary işler ministriniň orunbasary Wepa Hajiýew ABŞ-nyň döwlet sekretarynyň kömekçisiniň ýarag gözegçiligi, barlag we ýerine ýetiriş býurosy boýunça birinji orunbasary Pol Din bilen gepleşik geçirdi diýip, Türkmen DIM-i 5-nji oktýabrda habar berdi.


Duşuşykda howpsuzlyk pudagynda ikitaraplaýyn hyzmatdaşlygyň dürli ugurlary ara alnyp maslahatlaşyldy.


Taraplar sebit we halkara meseleleri barada pikir alşyp, häzirki zamanyň kynçylyklaryna we howplaryna netijeli garşy durmak zerurlygyny bellediler, ýaraglara gözegçilik etmek meselesinde özara ynam döretmek çärelerini we bu ugurdaky halkara borçnamalarynyň berjaý edilişi barada maslahat etdiler diýip, resmi habarda aýdylýar.