Gyrgyz kazyýeti derňewçi žurnalist Bolot Temirowy aklady
Swerdlow etrap kazyýeti 28-nji sentýabrda Temirowyň neşe serişdelerini bikanun saklamak we serhetden bikanun geçmek aýyplamalarynda günäkär däldigini aýtdy.
Kazy Akylbek Adimow Temirowyň resminama galplaşdyrmakda günäkärdigini, ýöne möhlet geçmesi sebäpli bu aýyplama esasynda tussaglyga höküm edilip bilinmejekdigini aýtdy.
Temirow kazyýetiň karary çykarylmazyndan öň sud zalynda eden çykyşynda Gyrgyzystanyň hukuk goraýjy we howpsuzlyk işgärleriniň, žurnalistlere töhmet atmak arkaly, ýurtdaky söz azatlygyny çäklendirmäge synanyşýandyklaryny we bu tendensiýanyň bes edilmelidigini aýtdy.
Prokurorlar oňa bäş ýyl türme tussaglygynyň berilmegini soradylar.
“Temirow LIVE” YouTube kanalynda korrupsiýa garşy aýdymlaryny paýlaşan bagşy Bolat Nazarow we Temirow ýanwar aýynda bikanun neşe serişdelerini saklamakda aýyplanyp tussag edildi, olar neşe maddalarynyň öz ýanlaryna polisiýa işgärleri tarapyndan taşlanandygyny aýtdylar.