Özbegistanda Twitter, VKontakte, WeChat sosial media torlarynyň petigi aýryldy
Prezidentiň maglumat we köpçülikleýin aragatnaşyk gullugy 1-nji awgustda başga bir sosial media programmasynyň, “TikTogyň” petiginiň aýrylmak mümkinçiligi barada kompaniýanyň wekilleri bilen gepleşik geçirilýändigini aýtdy.
Özbek resmileri 2021-nji ýylyň iýul aýynda Skype bilen bilelikde, Özbegistandaky ulanyjylaryň şahsy maglumatlarynyň ýerli ýagdaýda saklanmagyny talap edýän kanuna salgylanyp, sosial ulgamlary petiklediler.
Noýabr aýynda, hut şu sebäpler esasynda, Telegram, Facebook, YouTube we Odnoklassniki hem petiklendi.
Bu çäre halkara tankydyna we içerki nägilelige sebäp boldy. Prezident Şawkat Mirziýoýew şol döwürde bu çäräni aç-açan tankytlady we birnäçe resmini wezipesinden boşatdy.
Emma prezidentiň tankytlaryna garamazdan, sosial ulgamlaryň köpüsi petiklengi bolmagynda galdy.