Merkezi Aziýa ýurtlarynyň prezidentleri bu ýyl Çolpon-Atada duşuşarlar

20-21-nji iýulda Yssykköl sebitiniň Çolpon-Ata şäherinde Merkezi Aziýa döwletleriniň baştutanlarynyň geňeş maslahaty geçiriler diýip, Gyrgyzystanyň prezident administrasiýasynyň daşary syýasat bölüminiň başlygy Muratbek Azymbakiýew aýdýar.


Gyrgyz resmisiniň sözlerine görä, duşuşyga Gyrgyzystanyň (Sadyr Žaparow), Gazagystanyň (Kasym-Žomart Tokaýew), Täjigistanyň (Emomali Rahmon), Türkmenistanyň (Serdar Berdimuhamedow) we Özbegistanyň (Şawkat Mirziýoýew) prezidentleri gatnaşar.


Merkezi Aziýa ýurtlarynyň ýolbaşçylarynyň duşuşygynda sebit howpsuzlygyna abanýan wehimlere we howplara bilelikde gaýtawul bermek hyzmatdaşlygygyny güýçlendirmek, ýurtlaryň arasyndaky hyzmatdaşlygy giňeltmek mümkinçilikleri ara alnyp maslahatlaşylar.


Azymbakiýewiň aýtmagyna görä, Sadyr Žaparow ýolbaşçylaryň käbiri bilen ikitaraplaýyn duşuşyk geçirer.


Merkezi Aziýa ýurtlarynyň prezidentleriniň ilkinji geňeş maslahaty 2018-nji ýylda geçirildi. Bu çäräni Özbegistanyň prezidenti Şawkat Mirziýoýew başlady. Şondan soň Özbegistanda we Türkmenistanda duşuşyk geçirildi.