Deňsizligiň görülmedik derejede köpelmegi bilen, AI dünýä liderlerini açgözlükde aýyplaýar
Adam hukuklarynyň goralyşyna gözegçilik edýän gurama 29-njy martda çap edilen ýyllyk hasabatynda syýasy we işewür ýolbaşçylary dünýäni pandemiýadan alyp çykmak meselesinde "ýalan wada bermekde" aýyplady we olaryň sany köpelýän konfliktleri ýatyrmagyň hötdesinden gelmekden geçen, tersine, ‘has beter agzalalyk tohumlaryny” sepip, ýagdaýy has çylşyrymlaşdyrýandyklaryny öňe sürdi.
"Lider yzyndan lider çuň ornaşan we pandemiýanyň täsirini güýçlendirýän deňsizlik meselelerini çözmek, has gowy “dikeldiş gurmak” wadalaryny berdi” diýip, “Amnesty International” guramasynyň baş sekretary Agnes Kallamard aýtdy.
“Muňa derek olar, korporatiw läheňler bilen dil düwşüp, dönükligiň we açgözlügiň betbagtçylykly basnýasyny sahnalaşdyrdylar. Bu oýnuň bütin dünýäde oýnalmagy bilen, onuň netijeleri has gowuşgynsyz jemgyýetler, şol sanda endemik garyplygyň öň hatarynda duranlar üçin has-da zyýanly boldy” diýip, Halkara günä geçiş guramasynyň başlygy aýtdy.