Russiýanyň Ukraina hüjümi tapgyr sekizinji gün dowam edýär. Azatlyk Radiosynyň urşuň arasynda galan türkmen raýatlarynyň krizisden özbaşdak çykalga gözleýändigi baradaky maglumatyndan soň, Türkmenistanyň Ukrainadaky ilçihanasynyň türkmen studentlerine ýardam berip başlandygy habar berilýär. Şol bir wagtda, urşuň arasynda galan türkmen raýatlarynyň Türkmenistandaky hossarlary häkimiýetleriň özleriniň kömek sorap edýän ýüzlenmelerine hiç hili jogap bermeýändigini aýdýarlar.
