Mirziýoýew administrasiýa ýolbaşçylarynyň daşary ýurt dilini bilmegi hökman diýýär
Prezident Şawkat Mirziýoýew bu talaby daşary ýurt dillerini öwretmegiň netijeliligini ýokarlandyrmaga bagyşlanan wideo konferensiýada aýtdy.
Döwlet baştutany duşuşykda oba hojalygyndaky toparlaryň mysalynda, daşary ýurt dillerini öwretmekde hem klaster ulgamyny ornaşdyrmagyň zerurdygyny aýtdy.
“Daşary ýurt dilini bilmek işe kabul edilýänleriň öňünde goýulýan hökmany talap bolmaly. Indi häkimler daşary ýurt dilini bilmeli bolar” diýip, prezident aýtdy.
Onuň sözlerine görä, daşary ýurt dilini gowy bilýän işgärler üçin 20% goşmaça sylag berler.
Mundan öň prezident Mirziýoýewiň 6-njy maýda geçirilen wideomaslahatda Ministrler kabinetiniň ýanynda Daşary ýurt dillerini öwrenmek gullugynyň döredilendigini yglan edendigi habar berlipdi.