Türkmenistan Halk Maslahatynyň saýlawlaryna taýýarlyk görýär
Türkmenistanda Saýlawlary we sala salşyklary geçirmek boýunça Merkezi komissiýanyň Milli Geňeşiniň Halk Maslahatynyň agzalaryny saýlamaga taýýarlyk boýunça ýygnagy 27-nji fewralda geçirildi.
Türkmenistanyň konstitusiýasyna girizilen üýtgetmelere laýyklykda döredilen täze mejlis Milli Geňeş diýlip atlandyryldy we Halk Maslahatyndan hem-de Mejlisden ybarat bolar.
Döwlet habar gullugy dalaşgärleri hödürlemek kampaniýasynyň 6-njy fewralda başlandygyny we şu güne çenli tutuş ýurt boýunça 111 kandidatyň hödürlenendigini habar berdi. Dalaşgärleriň sanawy çap edilmedi.
Halk Maslahatyna saýlawlara taýýarlyk baradaky ýygnakda aç-açanlygyň we saýlawlaryň giň alternatiwa esasda geçirilmeginiň ähmiýeti bellendi. Emma saýlawlara gözegçilik etmek işine halkara guramalaryň gatnaşmagy meselesiniň gozgalyp-gozgalmandygy barada resmi maglumatlarda agzalmady.