Azerbaýjanyň häkimiýetdäki partiýasy parlamenti dargatmaga çagyrýar

Azerbaýjanyň häkimiýetdäki partiýasy – Täze Azerbaýjan partiýasy – “ýurduň kanun çykaryjy organynyň häzirki düzüminiň” partiýanyň lideri, prezident Ylham Aliýew tarapyndan “yzarlanýan syýasata eýermeýändigini” aýdyp, parlamenti dargatmaga inisiatiwa etmek kararyna geldi.


28-nji noýabrda Täze Azerbaýjan partiýasynyň Syýasy Geňeşi ýygnak geçirip, möhletinden ozal parlament saýlawlaryny geçirmek barada Aliýewiň öňünde çykyş etmegi planlaşdyrdy.


Partiýanyň 28-nji noýabrda giçlik metbugat konferensiýasyny geçirmegine we bu kararyň arkasyndaky sebäpleri düşündirmegine garaşylýar.


Parlamenti dargatmak baradaky mesele kanun çykaryjy organyň 29-njy noýabrda geçirjek ýygnagynda hem gozgalar. 


Azerbaýjanda nobatdaky parlament saýlawlary 2020-nji ýylyň noýabrynda geçirilmelidi.