Moskwa şäher geňeşiniň Adalatly Orsýet partiýasyndan saýlanan oppozision deputat Aleksandra Paruşina polisiýanyň kellesine urandygyny aýdýar. Bu waka 27-nji iýulda, Moskwanyň meri Sergeý Sobýaniniň edarasynyň golaýyndaky protestçiler “gazaply” dargadylýan wagtynda boldy. Ol rus prezidenti Wladimir Putiniň ýakyn ýarany bolan Sobýaniniň işden çekilmegine çagyrýar. Demonstrasiýaçylar saýlaw resmileriniň Moskwadaky munisipal saýlawlarda dalaşgär boljak oppozisiýa wekilleriniň käbirini hasaba almakdan boýun gaçyrmaklaryna garşy protest bildirýärler.