Konstitusiýa we Baýdak gününiň bosagasynda, hem-de Magtymguly Pyragynyň 300 ýyllygy mynasybetli geçirilýän medeni çäreleriň fonunda, içerki migrantlar paýtagtdan kowulýar, welaýatlardaky býujet işgärleri medeni çärelere mejbury gatnaşmak üçin Aşgabada iberilýär.
Türkmenistanyň günorta-gündogar sebitlerinde 8-10-njy maý aralygynda dowam eden ýagynly howa şäher we oba ýaşaýjylaryny başagaý etdi, käbir sebitlerde elektrik energiýasynyň üpjünçiliginde bökdençlik ýüze çykdy, ekerançylyk meýdanlaryna uly zyýan ýetdi.
Balkanyň häkimiýetleri sadaka soraýan, dilegçilik edýän raýatlara gözegçiligini güýçlendirip, olara garşy geçirýän reýdlerini ýaýbaňlandyrdy. Saklanan raýatlar, şol sanda çagalar gowaça meýdanlarynda otag etmek işlerine mejbury çekilýärler.
Aşgabadyň Büzmeýin etrabynda ýaşaýyş jaýlary ýykylan hojalyklaryň ençemesine Ahal welaýatynyň Gökdepe etrabynyň Arkadag şäherinden ýeňillikli ipoteka esasynda jaý berildi. Emma ýaşaýjylar öýlerine göçüp baranda, jaýlaryna suw üpjünçilik turbalarynyň asla çekilmändigini bilip galdylar.
