Mary welaýatynyň Mary şäherindäki edara-kärhanalarda, şol sanda orta mekdeplerde işleýän býujet işgärlerinden nobatdaky gezek pul toplanýar. Býujet işgärleri ýurtda ýitileşýän ykdysady kynçylyklaryň arasynda özlerinden yzygiderli talap edilýän mejbury maddy goşantlaryň öz maşgala býujetlerine barha köp agram salýandygyny aýdýarlar. Azatlyk Radiosynyň Marydaky habarçysynyň maglumatlaryna görä, bu sapar býujet işgärleri "tebigaty goramak" üçin 30 manat möçberinde maddy goşant goşmaga mejbur edilýär. Читать дальше...
Ýangyja baý Türkmenistanyň Lebap welaýatynyň ýangyç beketlerinde dizeliň we A80 markaly benziniň gytçylygy emele geldi. Bu barada Azatlyk Radiosynyň habarçysy sebitden maglumat berýär.
Bütindünýä saglyk guramasynyň (BSG) saglyk ulgamlaryna taýýarlygy güýçlendirmek boýunça missiýasy Türkmenistana iş saparyny tamamlap, türkmen häkimiýetlerini ýurtda COVID-19-yň bardygyny ýüze çykarmak boýunça tagallalary güýçlendirmäge çagyrdy. Şeýlelik bilen, BSG-niň wekiliýeti Türkmenistanyň öz serhet çäginde koronawirusyň ýokdugy baradaky öňe sürmesine soňky bir aýda indi ikinji gezek aç-açan şübhe bildirdi.
Türkmenistanda koronawirusyň ýaýramagyna garşy girizilen hereket çäklendirmeleri saklanyp galýarka, raýatlaryň ýurduň bir sebitinden beýleki bir sebitine sapar etmegi bilen bagly kynçylyklary hem dowam edýär. Raýatlar munuň üçin resminamalaryň ençemesini taýýarlap, ýörite saglyk toparynyň barlagyndan geçmeli bolýarlar. Munuň bilen bagly, şu günler Aşgabadyň degişli saglyk merkezlerinde barlagdan geçip, rugsatnamany almak üçin günde onlarça adam nobata durýar.
“Olary diri görkeziň!” halkara adam hukuklary kampaniýasy 2021-nji ýylyň 1-nji dekabrynda Türkmenistanyň türmelerinde ýitirim bolanlaryň täzelenen sanawyny çap etdi diýip, “Gündogar” neşiri habar berýär. Täzelenen maglumatlaryň girişinde aýdylmagyna görä, bu sanaw esasynda 2002-nji ýyldan bäri ýitirim bolanlaryň 162-sine degişli maglumatlar dokumentleşdirildi. Ýitirim bolanlaryň (121) 2019-njy ýyldaky öňki sanawy bilen deňeşdirilende, 2016-njy we 2018-nji ýyllar aralygynda bolan hadyslar baradaky tassyklanan täze maglumatlar esasynda... Читать дальше...
Türkmenabatda geçen anna güni öz jaýynda öli tapylan gyzyň janyna kast etmekde güman edilip bir ýaş ýigit tussag astyna alyndy. Bu barada Azatlygyň şäheriň polisiýa bölümindäki çeşmeleri maglumat berýärler.
ABŞ-nyň döwlet sekretarynyň orunbasary Wiktoriýa Nuland Aleksandr Lukaşenkany "Moskwanyň gurjagy" diýip atlandyrdy. Waşingtonda ol Belarusyň kanuny prezidenti hökmünde ykrar edilmeýär. Nuland bu sözleri Lukaşenkanyň biraz öň Orsýetiň “Nowosti” habar gullugyna beren interwýusynda Krym barada aýdan zatlaryna düşündiriş berende aýtdy. Belarus lideri “Nowosti” bilen söhbetdeşlik wagtynda anneksiýa edilen Krym barada söz açyp, ony diňe bir de-fakto däl, eýsem de-ýure hem Russiýanyň topragy hasaplaýandygyny aýtdy. Читать дальше...
Cable.co.uk neşiriniň maglumatyna görä, 2021-nji ýylyň Global tizlik tablisasynda Türkmenistan internet tizligi boýunça dünýäniň synag geçirilen ýurtlarynyň arasynda iň yzdaky hatarlaryň birini eýeleýär. Dünýäniň 224 ýurdunda, 2021-nji ýylyň 30-njy iýunyna çenli 12 aýda geçirilen 1,1 milliarddan gowrak tizlik synagyndan alnan global tizlik tablisasy internet tizligi boýunça, reňkler bilen kodlanan dünýä kartasyny taýýarlady we kartdaky ýurtlaryň üstüne gelip, olardaky internet ýagdaýyny görüp bolýar. Читать дальше...
Paýtagt Bişkekde oppozisiýa lideri Ömürbek Tekebaýewe hüjüm edenleriň arasynda bolmakda güman edilýän bir adam tussag edildi. Bişkek şäher polisiýa bölüminiň 2-nji dekabrdaky maglumatyna görä, güman edilýän adam öten agşam saklanyp, deslapky tussaghana ýerleşdirildi. Beýanatda ady aýdylmadyk adamyň Tekebaýewe degişli mobil telefony gaýtaryp berendigi, ol telefonyň eýesinden hüjüm wagtynda alnandygy aýdylýar. 1-nji dekabr güni näbelli adamlaryň topary “Ata Meken” partiýasynyň lideri Ömürbek... Читать дальше...
Koronawirusyň “omikron” görnüşiniň ýaýramagy ýurtlary petige getirdi, olar çäklendirmeleri güýçlendirip, onuň pandemiýanyň soňuna çykmak babatda gazanylan öňegidişlige nähili täsir etjekdigini görkezýän alamatlara sabyrsyzlyk bilen garaşýarlar. Birleşen Ştatlarda täze wariantyň ilkinji bilinýän hadysasy barada 1-nji dekabrda habar berildi. Bu habar Ak tamyň jemgyýetçilik ulaglaryndaky syýahatçylar babatdaky maska mandatyny mart aýyna çenli uzaltmaga taýynlanmagyna sebäp boldy. Şeýle-de, Ak... Читать дальше...
ABŞ-nyň döwlet sekretary Antoni Blinken 2-nji dekabrda Stokgolmda, ukrain serhediniň alkymynda toplanan rus goşunlary sebäpli güýçlenen dartgynlyklaryň arasynda, Russiýanyň daşary işler ministri Sergeý Lawrow bilen duşuşar. Ýewropada howpsuzlyk we hyzmatdaşlyk guramasynyň (ÝHHG) sammitiniň çäginde geçiriljek duşuşyk NATO-nyň daşary işler ministrleriniň Latwiýada geçirilen duşuşygynyň yz ýanyna gabat gelýär. Blinken Latiwýadaky ýygnakda ABŞ-nyň Russiýanyň harby operasiýalary barada alada bildirýändigini aýtdy. Читать дальше...