Новости за 13.05.2021

Türkmenistanyň halky döwlet tarapyndan subsidirlenen azyklary satyn alyp bilmek üçin uzyn nobatlarda garaşýan pursady, häkimiýetiň başyndakylaryň maşgala agzalary keýpi-sapada ýaşaýarlar diýip, Guramaçylykly jenaýat we korrupsiýa hasabaty proýektiniň (OCCRP) 13-nji maýda çap eden hasabatynda bellenilýär. Derňewçi topar bilen hyzmatdaşlyk eden turkmen.news garaşsyz neşiriniň redaktory Ruslan Mätiýew we “Gündogar” habar saýtynyň baş redaktory Baýram Şyhmyradow Türkmenistana azyk import etmäge ygtyýar berlen kärhanalaryň biriniň... Читать дальше...

Türkmenistanda koronawirus aladalarynyň arasynda saglyk işgärleriniň zähmet haklary gaýtadan kemeldildi. Şol bir wagtda, häkimiýetleriň COVID-19-yň ýaýramagynyň öňüni almaga gatnaşýan medisina işgärleriniň aýlyklaryna goşmaça hak tölemek baradaky geçen ýylky wadalary heniz hem berjaý edilmedi. Munuň we ýiti ykdysady çökgünligiň netijesinde, käbir lukmanlar gün-güzeran üçin esasy işiniň gapdalyndan bazarlarda söwda etmäge mejbur bolýandyklaryny, şeýle-de serhetler açylandan soňra ýurdy terk etmäge taýýarlyk görýändiklerini aýdýarlar.

ABŞ-nyň Döwlet departamenti ýyllyk hasabatynda Hytaýy musulman uýgurlaryna we beýleki dini azlyklara garşy "genosid" etmekde aýyplaýar, şeýle hem Eýrany we Russiýany dünýäde dini azatlygy iň erbet bozýanlaryň hataryna goşýar.

Türkmenistanda her ýylyň iýun aýynda geçirilýän medeni hepdelikler ýurduň prezidentiniň doglan gününiň öňüsyrasynda guralýar we, uzak garaşan ýaşaýyş jaýlaryna ýeten ýaşaýjylar, beýleki aýlarda hem bolşy ýaly, özlerine berlen jaý üçin TW-dede döwlet baştutanyna minnetdarlyk bildirýärler.

"Türkmenportal" neşiriniň Türkmenistanyň müftiligine salgylanyp beren habaryna görä, ýurduň metjitlerinde Oraza baýramynyň dini ybadatlary ybadatçylaryň gatnaşmazlygynda geçiriler. Synçylar bu habaryň internet neşirinde berlip, hökümet mediasynda berilmezliginiň sebäbine düşünip bilmeýärler.

Musulmanlar mukaddes Remezan aýyny soňlaýan Oraza baýramyny ikinji ýyl COVID-19 pandemiýasy sebäpli çäklendirmelerde belleýärler. Üç günlük baýramçylyk 13-nji maýda täze aýyň görünmegi bilen başlanýar we adatça metjitde namaz okamak, baýram etmek, maşgala agzalary bilen görüşmek we Remezan aýyndaky agyz beklemegi soňlamak bilen bellenýär. Ýöne ýene-de köp ýurt bu ýyl baýramçylygy wirusyň ýaýramagynyň öňüni almak üçin girizilen çäklendirmelerde belleýär we ilatyň düzgünleri bozmagyna aladalanma bildirýär. Читать дальше...

Gazagystanyň prezidenti Kasymžomart Tokaýew nebite baý Merkezi Aziýa ýurdunda daşary ýurtlulara oba hojalyk ýerleriniň satylmagyny we kärendesine berilmegini gadagan edýän çekeleşikli we gapma-garşylykly kanuna gol çekdi. Kanuna laýyklykda, daşary ýurtlular, raýatlygy bolmadyk adamlar, daşary ýurt kompaniýalary, daşary ýurtlaryň eýeçiligindäki gazagystanly kompaniýalary, halkara guramalary we daşary ýurtlaryň gatnaşmagyndaky ylmy toparlar Gazagystanda oba hojalyk ýerlerini öz eýeçiligine ýa-da kärendesine alyp bilmeýärler. Читать дальше...

Aşgabatda subsidirlenen önümleriň satuwy janlandy. Şäheriň käbir ýerlerinde, köçelerde birnäçe azyk önüminden ybarat paýok satylýar. Bu aralykda, ýaşaýjylaryň öýlerine azyk eltmek üçin sanawlar düzülýär. Dükanlarda subsidirlenen önümleriň satuwy bolsa bes edildi. Bu ýagdaý Aşgabadyň 140 ýyllygynyň bellenilmegine gabat geldi.

Adam hukuklaryny goraýjy abraýly dört topar, Türkmenistanyň awtoritar ýolbaşçylygyny daşary ýurtlarda ýaşaýan dissidentleriň garyndaşlaryna "haýbat atýandygy" üçin tankytlady. Ynsan hukuklaryny goraýjy "Human Rights Watch" (HRW), "Ynsan Hukuklary boýunça Türkmen Inisiatiwasy" (TIHR), "Adam Hukuklary boýunça Halkara Hyzmatdaşlyk" (IPHR) we "Amnesty International" guramasy 13-nji maýda bilelikde eden beýanynda maý aýynyň başynda türkmen howpsuzlyk işgärleriniň 14 ýaşly oglany sorag edendigini we haýbat atandygyny habar berýär. Читать дальше...

Hamasyň söweşijileri Ysraýylyň howa zarbalarynyň söweşiji toparyň serkerdelerini öldürip, Gazadaky köp gatly binany ýykandan soň 13-nji maýda Ysraýyla onlarça raketa atdylar. Hamasyň gözegçiligindäki anklawyň saglygy goraýyş ministrliginiň habaryna görä, 10-njy maýda zorluk güýçlenenden soň Gazada azyndan 56 palestinaly öldürilipdir. Bu çaknyşygyň pidalarynyň sany konflikte çekilen 14 palestinaly çagany hem öz içine alýar. Medisina işgärleri Ysraýylda ýedi adamyň öldürilendigini aýtdy. Sebitdäki... Читать дальше...