ABŞ-da ses berişlik 3-nji noýabr agşamy tamamlandy, ýöne poçta arkaly iberilen ep-esli býulleten heniz hem sanalýar. 4-nji noýabr güni ir sagatlarda, prezidentlige dalaşgärleriň ikisi-de aýgytly ýeňiş gazanyp bilmedi. Bäsdeş Jo Baýden özüniň ýeňiş ýolundadygyny aýtdy, prezident Donald Tramp bolsa ýeňiş gazanandygyny öňünden yglan etdi hem-de poçta arkaly ugradylan býulletenlere galplygyň kölege salýandygy barada aýdýan aýyplamalaryny gaýtalady. (Agentligiň wideosy)
COVID-19 hadysalarynyň köpelmegi bilen, Ýewropanyň hökümetleri täze petiklemeleri girizýärler; biologlar tokaýlaryň ýok edilmeginiň geljekki pandemiýalara ýol açýandygyny duýdurýarlar. (Reuters wideosy)
ABŞ-nyň prezident saýlawlarynyň netijesi nämälimliginde galýar, hatda möhüm alty ştatda millionlarça ses býulletenlerini sanamak işleri dowam edýän wagty, iş başyndaky Donald Tramp bilen onuň demokrat bäsdeşi Jo Baýdeniň ikisi-de ýeňişe ynam bildirýär. 4-nji noýabrda Pensilwaniýa, Wiskonsin, Mişigan, we Jorjiýa ýaly ştatlarda sesleri, şol sanda saýlawdan öň berlen sesleri we poçta arkaly berlen sesleri, sanamak işleri dowam edýär. Baýden özüniň ýeňiş ýolundadygyna ynanýandygyny aýtdy we amerikanlary... Читать дальше...
Gyrgyz parlamentiniň ýaňy-ýakynda wezipä saýlanan spikeri 4-nji noýabrda özüniň wezipeden çekilýändigini aýtdy. Ol ýurtda ýanwar aýynda geçiriljek irki prezident saýlawlaryna gatnaşmagy planlaşdyrýandygyny mälim etdi we, munuň bilen, Merkezi Aziýanyň iň dartgynly syýasy sahnalarynyň biri boýunça has köp bulaşyklyk döretdi. Häzirki wagtda prezidentiň wezipesini wagtlaýyn ýerine ýetiriji Sadyr Japarow prezidentlik bäsleşigine gatnaşmak üçin dekabrda işden aýrylan halatynda, mejlisiň başlygy Kanatbek... Читать дальше...
Awstriýa häkimiýetleri Wenada dört adamy öldüren hem-de kansler Sebastian Kurzyň “elhenç terror hüjümi” häsiýetlendiren hüjümi bilen baglanyşykly 14 adamy tussag etdi. 2-nji noýabr agşamy ýaragly adamlar şäher merkeziniň alty ýerinde ot açandan soň, güman edilýänler gözlenýän wagty, 3-nji noýabrda polisiýa adamlary içerde galmaga çagyrdy. Wakada iki erkek we iki aýal öldi ýene 22 adam ýaralandy. Polisiýa ozal hem terrorçylykdan höküm çykarylan, 20 ýaşly, Awstriýanyň hem-de Demirgazyk Makedoniýanyň... Читать дальше...
Azerbaýjan we etniki ermeni tarapy bölünip aýrylan Azerbaýjan territoriýasy – Daglyk-Garabagyň içinde we töwereginde 4-nji noýabrda irden söweşleriň dowam edýändigini habar berdi. Her tarap front çyzygynyň ugrunda özüniň rüstemdigini öňe sürýär. Regional güýçleriň şol sanda Russiýanyň onlarça ýyllyk konfliktde alty hepde bäri dowam edýän söweşleri togtatmagyň ugurlaryny gözden geçrýändigi aýdylýar. Söweşler müňlerçe adamyň, şol sanda asuda raýatlarynyň ölümine getirendir öýdülýär. Ermeni tarapy... Читать дальше...
Lebap welaýatynyň Farap etrabynyň orta mekdeplerinde ýokary synp okuwçy gyzlar we zenan mugallymlar bilen ýygnaklar geçirildi. Welaýat bilim bölüminiň we Zenanlar birleşiginiň wekilleri tarapyndan geçirilen bu ýygnaklarda aýal-gyzlaryň ahlagy we olaryň daşky keşbine degişli gadagançylyklar barada gürrüň edildi. Şeýle-de, mundan beýläk mekdebi tamamlamanka, nikasyz göwreli bolan okuwçy gyzlaryň okuwdan çykaryljakdygy duýduryldy. Bu barada Azatlyk Radiosynyň habarçysy 4-nji noýabrda Lebapdan habar berdi. Читать дальше...
Bir zaman "benzin jenneti" bolan ýurtda ýangyç gytalýar, adamlar benziniň Täze ýyldan gymmatlamak "gylygyndan" ätiýaç edýärler, emeldarlar pursatdan peýdalanyp, jübülerini doldurmagyň gaýgysynda, eli ýuka adamlar iň arzan tekerleri alyp, ýolda janlaryny töwekgellige salýar.
Rep ýyldyzy Kanýe West başa barmajak prezidentlik kampaniýasynyň çäginde öz-özüne ses berdi. Köp demokrat onuň garaýagyz saýlawçylaryň seslerini Jo Baýdenden alyp, iş başyndaky Donald Trampyň kampaniýasyna ýardam bermek üçin tagalla edýändigini öňe sürdi. “Şu gün men ömrümde birinji gezek Birleşen Ştatlaryň prezidentine ses berýärin we sesimi oňa durkum bilen ynanýan adama...özüme berýärin” diýip, West 3-nji noýabrda ABŞ-nyň Waýoming ştatyndan twit ýazdy. Realiti TW ýyldyzy Kim Kardaşiana öýlenen... Читать дальше...
Aşgabatda pişikleriň we itleriň jemagat gulluklarynyň işgärleri tarapyndan ýok edilmegi dowam edilýär. Aktiwistleriň aýtmagyna görä, şäher häkimligi tarapyndan idegsiz haýwanlara garşy ýyllarboýy alnyp barylýan göreş indi öý haýwanlaryna täsir ýetirýär. Barha köp öý haýwanlary köçede zäherli iýmitleri iýip jan berýär. Azatlygyň Aşgabatdaky habarçylary çeňňek görnüşinde her ýerde ýatan azyk bölejiklerini şäheriň hemme ýerinde görüp bolýandygyny habar berýärkä, aşgabatly haýwan goraýjy aktiwistler... Читать дальше...
Twitter we Facebook sag meýilli birnäçe habar hasabyny, olaryň ABŞ saýlawlary barada paýlaşan maglumatlary üçin togtatdy. Sosial media platformalary bu hasaplaryň öz düzgünlerini bozandygyny aýdýar. 3-nji noýabrda togtadylan käbir hasaplar soňra rus mediasy tarapyndan sitirlenen we üns çekilen mazmunlary paýlaşypdy. Twitter özlerini garaşsyz ýaly edip görkezýän, ýöne şol bir wagtyň özünde şol bir mazmuny paýlaşýan ýa-da başga gizlin awtomatlaşdyrylan hereketlere gatnaşýan hasaplary “utgaşyklyga”... Читать дальше...
Maryda soňky günlerde ilatdan maska geýmek talaby we gözegçilik güýçlendirildi. Bu aralykda köçelerde we bazarlarda adam azaldy. Söwdagärler koronawirus çäklendirmeleri sebäpli öz dükanlaryny ýapyp, harytlaryny çykarýarlar. Häkimiýetler ýaşaýjylardan öz howlularynda hem maska dakynmagy talap edýärler we jeza hakyndaky ýazmaça duýduryşlary öýlere eltip, gol çekdirip gowşurýarlar.
ABŞ saýlawçylary 3-nji noýabrda diňe Ak tama dalaşgäre ses bermeýär. Olar şeýle-de Senata we Wekiller öýüne kimiň gözegçilik etjekdigini saýlaýar. 4-nji noýabr irdene çenli Senatdaky her partiýa beýleki partiýadan bir orun aldy, bu bolsa demokratlaryň ýokarky palatanyň gözegçiligini respublikanlardan almak umytlaryny azaltdy. ABŞ mediasy Koloradoda Denweriň öňki häkimi demokrat John Hickenlooperiň iş başyndaky respublikan senator Cory Gardneri ýeňendigini habar berdi. Alabamada öňki futbol... Читать дальше...