Koreýa Respublikasynyň prezidenti Mun Çže In, türkmen prezidenti Gurbanguly Berdimuhamedowyň çakylygy esasynda, 16-njy aprelde Türkmenistana döwlet sapary bilen geldi.
Gepleşikleriň dowamynda ikitaraplaýyn gatnaşyklaryň meseleleriniň giň toplumy, syýasy, söwda-ykdysady, energetika, senagat, ulag, ylmy-tehniki we medeni-ynsanperwer ulgamlarynda, şeýle-de saglygy goraýyş, bilim we sport ulgamlarynda özara gatnaşyklary ösdürmegiň mümkinçilikleri ara alnyp maslahatlaşylar diýip, Türkmenistanyň Daşary işler ministrliginiň beýanatynda aýdylýar.
Türkmenistan bilen Koreýa Respublikasynyň arasyndaky diplomatiki gatnaşyklar 1992-nji ýylyň 7-nji fewralynda ýola goýuldy.
