Yrakly ýazidi aktiwisti Murad Nobel baýragynyň serişdesine hasshana gurdurjagyny aýdýar
“Yslam döwleti” ekstremist toparynyň jeňçileri tarapyndan jynsy gyrnak hökmünde saklanylan Nadia Murad bu sözleri 14-nji dekabrda, demirgazyk Yragyň Sinjar şäherinde, öz dogduk mekanynda toplanan ýüzlerçe adamyň öňünde aýtdy.
"Nobel parahatçylyk baýragy bilen berlen pula men Sinjarda näsaglary, esasan dul galan aýallary we “Yslam döwleti” toparynyň jeňçileri tarapyndan jynsy zorluga sezewar edilen aýallary bejermek üçin hassahana gurjak” diýip, ol aýtdy.
Ol hassahana işine başlamak üçin “basym” ynsanperwer guramalar bilen habarlaşjakdygyny aýtdy.
Murad kongoly doktor Denis Mukwege bilen jynsy zorluklaryň ýaragly konfliktlerde ýarag hökmünde ulanylmagyny togtatmak ugrundaky tagallalary üçin 1 million dollar baýrak aldy.