Özbek deputatlary dilegçiligi jenaýat hasaplamak baradaky kanuny tassyklady
Parlamentiň ýokarky palatasynda 13-nji dekabrda gurnalan ses berişlik prezident Şawkat Mirziýoýwiň sentýabrda teklip eden kanun taslamasyny tassyk etdi.
Täze jenaýat kanuny dilegçilik edýänlere 25 dollardan 75 dollara çenli möçberdäki özbek pulunda jerime salynmagyny kanunlaşdyrýar.
Bu jerimäni töläp bilmedikler ilkinji gezekde 15 güne çenli türme tussaglygyna höküm ediler. Eger bu düzgün bozma gaýtalansa, olar 240 sagat jemgyýetçilik hyzmaty, iki ýyla çenli düzediş zähmeti ýa-da bir ýyla çenli türme tussaglygy bilen jezalandyrylar.
Dilegçilik, kanun esasynda, jemgyýetçilik ýerlerinde “pul soramak, azyk ýa-da beýleki maddy zatlary soramak” diýlik kesgitlendi.