Owgan metjidinde namaz okaýan esgerlere garşy guralan hüjümde 12 adam öldi
Host welaýatynyň gubernatory Talib Mangal Azatlyk radiosynyň Owgan gullugyna, deslapky sanawa görä, partlama netijesinde 33 adamyň ýaraly bolandygyny aýtdy.
Habar gulluklarynyň käbiri owgan resmilerine salgylanyp, ölenleriň sanyny 26, ýaraly bolanlaryň sanyny 50-den gowrak diýip görkezýär.
Namaza duran esgerleri nyşana alan hüjümiň jogapkärçiligini häzirlikçe hiç kim öz üstüne almady. Owgan prezidenti Aşraf Gani bu hüjümi ýazgaryp, onuň “yslama garşy, adamkärçilige sygmaýan” hüjümdigini aýdyp çykyş etdi.