“Talybanyň” hüjüminde owgan güýçleriniň 13 agzasy öldürildi
Gazni welaýatynyň häkiminiň metbugat-wekiliniň Azatlyk Radiosyna gürrüň bermegine görä, jeňçiler duşenbe güni ir bilen Khogýani etrabyndaky barlag-gözegçilik nokadyna hüjüm edipdirler.
Mohammad Arif Nooriniň beren maglumatyna görä, çaknyşykda alty polisiýa işgäri we ýedi esger öldürilipdir; azyndan dört polisiýa işgäri hem ýaralanypdyr.
Üç sagada çeken çaknyşynda “Talybanyň” azyndan alty jeňçisi öldürilipdir we 10-a golaýy ýaralanypdyr.
“Talybanyň” metbugat wekili Zabihullah Mujahid barlag gözegçilik nokadyna edilen hüjümiň jogapkärçiligini öz üstüne aldy.