Owganystanyň Takhar welaýatynda amala aşyrylan partlamada 22 adam öldi

Owganystanda ýurduň parlamentine dalaş edýän bir aýal kandidatyň saýlaw kampaniýasy mahaly amala aşyrylan bomba hüjüminde azyndan 22 adam, şol sanda parahat ilat we howpsuzlyk güýçleri heläk boldy.


Takhar welaýatynyň häkiminiň metbugat wekiliniň maglumatyna görä, Rustak etrabynda amala aşyrylan hüjümde başga-da 36 adam ýaralanypdyr.


Hüjümiň jogapkärçiligini häzirlikçe hiç bir topar öz üstüne almady. Emma, sebitde “Talyban” jeňçileri aktiw hereket edip, olar Takhar welaýatynda mundan ozal-da hüjümleri amala aşyrypdylar.