Дастаи «Регар-ТадАЗ»-и Турсунзода, ки дар бозии ниҳоӣ бар “Ҳосилот”-и Фархор бо ҳисоби 4:0 ғолиб омад, бори сеюм Ҷоми Федератсияи футболи Тоҷикистонро ба даст овард.
Бозии ниҳоии Ҷоми ФФТ-2021 миёни дастаҳои “Регар-ТадАЗ” ва “Ҳосилот” 26-уми феврал дар Варзишгоҳи марказии Душанбе баргузор шуд. Артур Фозилов ду гол, Шуҳрат Элмуродов ва Фатҳулло Фатҳуллоев якголӣ ба самар расониданд. Ба ин тартиб, “Регар-ТадАЗ” бо Ҷоми ФФТ ва медалҳои тилло, “Ҳосилот” бо медалҳои нуқра сарфароз гаштанд.
Дастаҳои "Файзканд"-и Восеъ ва "Хатдон"-и Бохтар барои ҷойи сеюм мубориза бурданд. Ин бозӣ, ки 26-уми феврал дар Варзишгоҳи марказии Душанбе доир гардид, бо пирӯзии “Файзканд” бо ҳисоби 3:1 хотима ёфт. Дар ҳайати дастаи ғолиб ду голро Амирҷон Сафаров ва яктоашро Оятулло Сафаров заданд. Футболбозони ноҳияи Восеъ бо медалҳои биринҷии Ҷоми ФФТ-2022 мукофотонида шуданд.
Бояд тазаккур дод, Ҷоми ФФТ аз соли 2012 бори ёздаҳум сурат гирифт. Ҳамагӣ чаҳор даста ин Ҷомро ба даст овардааст. “Истиқлол”-и Душанбе шаш бор, «Регар-ТадАЗ»-и Турсунзода се бор, “Хайр”-и Ваҳдат ва “Кӯктош”-и Рӯдакӣ якборӣ барандаи Ҷоми ФФТ гардидаанд.
Ҷоми ФФТ-2022
Бозӣ барои ҷойи сеюм
«Хатлон» – «Файзканд» – 1:3
Голҳо: Амирҷон Сафаров, 15 (0:1). Тоҳирҷон Тағойзода, 26 (1:1). Амирҷон Сафаров, 42 (1:2). Оятулло Сафаров, 85 (1:3).
Беҳтарин бозигари дидор: Амирҷон Сафаров («Файзканд»).
Сардовар: Хуршед Дадобоев (Хуҷанд).
26 феврал. Ҳисор. Варзишгоҳи марказӣ. 150 тамошобин.
Финал
«Ҳосилот» – «Регар-ТадАЗ» – 0:4
Голҳо: Артур Фозилов, 65 (0:1). Артур Фозилов, 70 (0:2). Шуҳрат Элмуродов, 79 (0:3). Фатҳулло Фатҳуллоев, 88 (0:4).
Аз пеналти тӯбро ба ҳадаф расонида натавонист: Фирӯз Бобиев («Регар-ТадАЗ»), 44 – тӯбро дарвозабон баргардонд.
Беҳтарин бозигари дидор: Артур Фозилов («Регар-ТадАЗ»).
Сардовар: Сайёдҷон Зайниддинов (Душанбе).
26 феврал. Душанбе. Варзишгоҳи марказӣ. 2000 тамошобин.
Натоиҷи ҳамаи бозиҳои ниҳоии Ҷоми ФФТ (2012-2022):
2012 – «Регар-ТадАЗ» (Турсунзода) – «Хайр» (Ваҳдат) – 1:0
2013 – «Хайр» (Ваҳдат) – ССКА «Помир» (Душанбе) – 1:1. Аз рӯи пеналтӣ – 6:5
2014 – «Истиқлол» (Душанбе) – «Хайр» (Ваҳдат) – 2:0
2015 – «Истиқлол» (Душанбе) – «Хайр» (Ваҳдат) – 5:1
2016 – «Регар-ТадАЗ» (Турсунзода) – «Хуҷанд» (Хуҷанд) – 1:0
2017 – «Истиқлол» (Душанбе) – «Регар-ТадАЗ» (Турсунзода) – 2:1
2018 – «Истиқлол» (Душанбе) – «Регар-ТадАЗ» (Турсунзода) – 3:1
2019 – «Истиқлол» (Душанбе) – «Кӯктош» (Рӯдакӣ) – 5:2
2020 – «Равшан» (Кӯлоб) – «Кӯктош» (Рӯдакӣ) – 1:2
2021 – «Хатлон» (Бохтар) – «Истиқлол» (Душанбе) – 0:1
2022 – «Ҳосилот» (Фархор) - «Регар-ТадАЗ» (Турсунзода) - 0:4
