Gëzimi për numërimin e të gjitha votave të zgjedhjeve parlamentare të 9 shkurtit në Kosovë nuk zgjati shumë. Shumë shpejt nisi rinumërimi i disa votave, ndërsa ankesat e partive politike u bartën prej një gjykate në tjetrën. Në gjithë këtë situatë, pashmangshëm lindin dilemat nëse ka tendencë për zvarritje të procesit që duhet të rezultojë me formim të institucioneve të reja, apo gjithçka është brenda afateve ligjore.
