Presidentja e Kosovës, Vjosa Osmani, tha për Radion Evropa e Lirë se është duke diskutuar me aleatët ndërkombëtarë që Kosovës t’i ofrohen garanci të sigurisë dhe anëtarësim në organizata ndërkombëtare, nëse nga Kosova kërkohet ta zbatojë Marrëveshjen e Ohrit. Në intervistë për REL-in, Osmani foli, po ashtu, për hapjen e urës së Ibrit në Mitrovicë, gjë që ajo tha se duhet të ndodhë në bazë të një plani me partnerët ndërkombëtarë.
