Dënimi i sulmit të Rusisë ndaj Ukrainës përbëri një pjesë të rëndësishme të fjalimit të presidentit të Shteteve të Bashkuara, Joe Biden, para Kongresit amerikan, më 1 mars. Në fjalimin e tij të parë mbi gjendjen në vend, Biden tha se “bota e lirë” do ta mbajë presidentin rus, Vladimir Putin, përgjegjës për pushtimin. “Lufta e Putinit në Ukrainë do ta ketë lënë Rusinë më të dobët dhe pjesën tjetër të botës më të fortë”, ka parashikuar Biden. (Përgatitën: Trim Haliti dhe Arben Hoti)
