Shpyllëzimi i pyjeve të Amazonës në Brazil ka arritur në nivelin më të lartë nga viti 2008, ka njoftuar Agjencia për Hapësirë e këtij shteti, Inpe.
Zonat pyjore kanë humbur 11,088 kilometra katrorë të vegjetacionit në periudhën gusht 2019 - korrik 2020, duke shënuar rritje prej 9.5 për qind në krahasim më 12 muajt paraprakë, kanë treguar të dhënat e agjencisë.
Shkencëtarët thonë se Amazona është përballur me humbje të shkallës së lartë, prej kur Jair Bolsonaro ka nisur të udhëheqë shtetin më 2019.
Pyjet e Amazonës përbëjnë rajon tejet me rëndësi që ngadalëson rrugën drejt ngrohjes globale.
Prej kur ka marrë pozitën, gati dy vjet më parë, Bolsonaro ka inkurajuar zgjerimin e aktiviteteve bujqësore edhe atyre për mina,në zonën pyjore më të madhe në botë.
Të dhënat e kësaj agjencie janë preliminare, meqë të dhënat zyrtare do të publikohen në fillim të vitit të ardhshëm.
Në të kaluarën, Bolsonaro është përplasur me këtë agjenci sa u përket të dhënave për shpyllëzim.
Vitin e kaluar, ai ka akuzuar këtë trup për dëmtim të imazhit të Brazilit.
