Dy bashkëkryesuesit e Ekipit Negociator të Kosovës për bisedimet me Serbinë, Fatmir Limaj dhe Shpend Ahmeti, arritën në Bruksel, ku pritet të zhvillojnë një takim me përfaqësues të zyrës së ndërmjetësueses së dialogut, Federica Mogherini. Zyrtarë nga kabineti i zëvendëskryeministrit Limaj konfirmuan për Radion Evropa e Lirë se në këtë takim do të diskutohet për modalitetet e mëtutjeshme të dialogut me Serbinë. Është bërë e ditur se bashkë me dy bashkëkryesuesit e Ekipit Negociator kanë udhëtuar edhe përfaqësues të tjerë të institucioneve.
Kryeministri i Kosovës, Ramush Haradinaj, tha se u ka dërguar letër kryeministrave të të gjithë botës për t'iu shpjeguar natyrën e dialogut Kosovë-Serbi. Në një postim në Facebook, Haradinaj tha se dialogu Kosovë-Serbi është dialog mes dy shteteve sovrane dhe "për subjekt nuk e ka statusin final të Kosovës, por normalizimin e raporteve Kosovë-Serbi, me njohje reciproke". "Me anë të këtij sqarimi dhe qëndrimi, synojmë t’i japim fund propagandës serbe se statusi dhe territori i Kosovës është ende në tavolinë. Читать дальше...
Sekretari i përgjithshëm i Kombeve të Bashkuara, Antonio Guterres, paralajmëroi se anti-semiztimi është në rritje dhe se urrejtja ndaj hebrenjve po përkeqësohet në gjithë botën. Guterres tha se incidentet anti-semitike në Shtetet e Bashkuara janë rritur për 57% në vitin 2017. Ai po ashtu tha se një agjenci monitorimi e Bashkimit Evropian ka raportuar vitin e kaluar se 28% e hebrenjve kanë përjetuar një lloj ngacmimi vetëm për të qenët hebrenj. Guterres i bëri këto komente në OKB, në një ngjarje... Читать дальше...
Shtetet e Bashkuara i vunë sanksione kompanisë shtetërore të naftës në Venezuelë, PDVSA, dhe i bënë thirrje ushtrisë së këtij vendi që të pranojë transferimin paqësor të pushtetit. Këshilltari për siguri kombëtare, John Bolton, tha se presidenti i Venezuelës, Nicolas Maduro, dhe aleatët e tij “nuk mund të plaçkitin më pasuritë e popullit të Venezuelës”. Përpjekjet e opozitës për të rrëzuar Maduron janë rritur ditëve të fundit. Shtetet e Bashkuara dhe mbi 20 vende të tjera e kanë njohur udhëheqësin e opozitës... Читать дальше...
Departamenti amerikan i Drejtësisë ngriti një mori akuzash penale kundër gjigantit kinez të telekomit Huawei dhe kryeshefes së tij të financave, Meng Wanzhou. Akuzat përfshijnë mashtrimin bankar, pengimin e drejtësisë dhe vjedhje të teknologjisë nga kompania amerikane T-Mobile. Meng është arrestuar në Kanada muajin e kaluar, me kërkesë të SHBA-së, për, siç është thënë, shmangie të sanksioneve kundër Iranit. Rasti i ka tensionuar shumë marrëdhëniet midis Kinës, Kanadasë dhe SHBA-së. Edhe Meng, edhe Huawei i mohojnë akuzat. Читать дальше...
Organizata ndërkombëtare Transparency International publikoi të martën Indeksin e Perceptimit të Korrupsionit për vitin 2018, i cili thekson se dështimi i vazhdueshëm i shumicës së vendeve për të kontrolluar korrupsionin, është duke kontribuar në një krizë të demokracisë në gjithë botën. Indeksi, i cili radhit 180 vende dhe territore në bazë të nivelit të perceptuar të korrupsionit në sektorin publik, përdor një shkallë prej zero pikësh deri në 100, ku zero tregon për një vend shumë të korruptuar, ndërsa 100 një vend shumë të pastër. Читать дальше...