په پېښور کې د خيبر پښتونخوا د بلدياتي ادارو استازو د پیسو نه ترلاسه کېدو ضد يو ځل بيا احتجاج کړی دی. تر اوسه صوبايي حکومت د دې راپور تر برابرېدو پورې د بلدياتي استازو غوښتنو ته ځواب نه دی ويلی. تر دې وړاندې هم بلدياتي نمايندګانو د فنډونو د نه شتوالي پر ضد څو وارې احتجاجونه کړي دي او د هغه وخت اعلاوزير علي امين ګنډه پور هغوی ته د پيسو ورکولو ژمنې کړې وې خو احتجاج کوونکي وايي چې تر دې دمه د پرمختيايي کارونو لپاره هېڅ فنډونه نه دي ورکړل شوي.
