په روسیه کې له پنځه پیړیو وروسته اورشیندی یا اتشفشان بیا فعاله شوی
د روسیې په لیرې خیتځ کامچاتکا کې د وروستۍ زلزلې له کبله له پنځو پیړیو وروسته اورشیندی یا اتشفشان فعاله شوی دی.
په روسیه کې د اورشیندي پېژندنې نړیوال پروګرام وايي، دغه اورشیندی د وروستي ځل لپاره په ۱۵۵۰ کال کې په دې سیمه کې رامنځته شوې وه.
د کامچاتکا د بیړنیو خدمتونو ادارې ویلي، له کراشنینکوف اورشیندی پورته شوي چې د ایرو لوخړه يې ۶کیلو مټره لوړه ده چې خیتځ ته د ارام سمندر پر لور روانه ده.
روسي کارپوهانو خبرداری ورکړی و چې د چهارشنبې د ورځې له ۸ اعشاریه ۸ درجې زلزلې وروسته ښايي په سیمه کې د څو اونیو لپاره له زلزلې وروسته ټکانونه پېښ شي.
د یکشنبې پر ورځ ۸ اعشاره ۸ درجې زلزلې د کوریل ټاپوګان ولړزول.
دا زلزله، چې د کامچاتکا ټاپووزمې په پتروپاولوفسک کې وشوه، له ۲۰۱۱ کال راهیسې دغلته د شویو زلزلو تر ټولو ځواکمنه هغه وه.
له دې ځواکمنې زلزلې وړاندې په ۲۰۱۱کال کې په جاپان کې د ریښتر په ۹اعشاره ۱درجه زلزله شوې وه چې څه باندې ۱۵زره کسان په کې وژل شوي وو.