د پاکستان د وګړو د نوملیکنې، شناختي کارډونو او نورو اسنادو ادارې (نادرا) په ۲۰۲۱ز کال کې ویلي ول چې د هېواد شاوخوا ۴۵ مېلیونه وګړي ورسره راجسټر نه دي. په هغو کې زیاتره کسان د فارم (ب) په نوم د زېږون سند نه شتوالي له وجې شناختي کارډ نه شي جوړولای. د شناختي کارډ نه لرلو له وجې ډېری کسان تر یو خاص حد وروسته زده کړې نه شي کولای او د کار نه موندلو تر څنګ له یو لړ نورو مشکلاتو سره هم مخامخېږي. د اې اېف پي له ویډیو جوړ رپورټ.
