برېتانیوۍ ورځپاڼې وايي، د زرګونو داسې افغانانو شخصي معلومات افشا شوي دي چې حکومت هغه هېواد ته لېږدول غوښتل. ورځپاڼې وايي، دا کار د هغو افغانانو خوندیتوب او امنیت ته جدي ګواښ پېښوي. برېتانیې په ۲۰۲۲ز کال کې هغه هېواد ته د افغانانو د لېږد پټه طرحه جوړه کړې وه خو پکې هغوی شخصي معلومات افشا شول. هغه مهال حکومت پر رسنیو بندیز لګولی وو چې په دې اړه به خبر نه ورکوي. خو د جولای پر ۱۵مه یو عدالت هغه محدودیت لغوه کړ او ورځپاڼو یې په اړه راپورونه خپاره کړل. د رویټرز اژانس له ویډیو جوړ رپورټ.
