له نيپال سره نژدې د چين په لويديځه غرنۍ سيمه کې کې نن سهار د یوې زورورې زلزلې له امله لږ تر لږه ۵۳ تنه مړه شوي دي.
د راپورونو له مخې په داسې حال کې چې له زلزلې وروسته په سیمه کې په لسګونه ټکانونه محسوس شوي، ډیرکسان تراوسه د نړیدلو ودانیو لاندې بند پاتې دي
د اسوشیتید پرس خبري آژانس د راپورله مخې د دغې زلزله له امله ۶۲ کسان ټپیان شوي دي.
د دولتي رسنیو د راپور ونو له مخې شاوخوا زر کورونه ویجاړ شوي دي.
د امريکا د جيولوجيکي سروې ادارې ويلي، د دغې زلزلې چې مرکز يې د تبت په سيمه کې لس کيلومتره ژور و، شدت یې د ريختر په کچه اووه اعشاريه یوه درجې و.
چین وايي چې د ریختر درجه یې شپږ اعشاریه اته درجې ثبت کړې ده.
له زلزلې وروسته په دریو ساعتونو کې شاوخوا پنځوس ټکانونه ثبت شوي او د چین په خوا کې د همالیا د غرونو، ماونټ ایوریست منظره لرونکې سیمه تړل شوې ده.
