طالبانو په تخار کې دوه کسان په درو وهلي
معلومه نه ده چې د دغو کسانو جرم چا ثابت کړی او یا یې په اړه کافي شواهد موجود دي که څنګه.
د طالبانو سترې محکمې په خپل بیان کې یکشنبه ویلي چې دا ښځه او سړی په عام محضر کې هر یو ۳۹ دُرې وهل شوي.
له هغه وخته چې طالبان په ۲۰۲۱ کې واک ته ورسېدل، د دوی حکومت د ښځو په ګډون ډیری خلک د بېلابېلو دلایلو له امله په درو وهلي دي.
ملګرو ملتونو او نورو نړیوالو سازمانونو دغه سزاوې غندلي او د هغوی د بندولو غوښتنه یې کړې، خو طالبانو دغو غوښتنو ته مثبت ځواب نه دی ویلی.