نی: د طالبانو له واکمنیدو سره افغانستان کې ۵۲ سلنه تلویزونونه بند شوي
نی د ټلویزیون د ورځې په مناسبت چې هرکال په نړۍ کې د نوامبر په ۲۱ مه نېټه لمانځل کېږي، د یوه بیان په خپرولو سره ویلي دي چې ټلویزیون په تېرو دوو لسیزو کې د بیان د ازادۍ، خبر رسونې او د عامه ذهنیتونو د روښانه کولو په برخو کې خورا مهم رول ولوباوه خو سږکال دا ورځ په داسې حال کې رارسېږي چې د افغانستان له نیمايي ډېر ټلویزیوني چینلونه فعالیت نه لري.
نی وايي، د افغانستان د ټولو رسنیو خو په تېره د ټلویزیونونو د کار وضعیت ورته د منلو وړ نه دی.
دا ټولنه له ازادو رسنیو په خاص ډول له ټلویزیونونو غواړي کوي چې د بې پرې توب او خپلواکۍ اصولو ته په پام سره فعالیت وکړي.
د نی د نظرپوښتنو له مخې د طالبانو له واکمنېدو وروسته د افغانستان له ۱۴۷ ټلویزیونونو څخه ۷۷ یې د اقتصادي ستونزو له کبله فعالیت پریښی دی.