چارواکي: روسي ځواکونو پر کییف او نورو ښارونو بریدونو ته دوام ورکړی

د اوکراین پوځ او سیمه ییز چارواکي وايي، په درېیمه پرله‌پسې ورځ هم روسیې د کییف په ګډون پر نور ښارونو د توغندیو او بې پیلوټه الوتکو بریدونه ته دوام ورکړی دی.


د چارواکو په وینا، سره له دې چې هوايي دفاعي ځواکونه د دغو بریدونو په شنډولو توانېدلي، خو دغو بریدونو لږ تر لږ یو تن وژلی، څو تنه يې ټپیان کړي او مالي زیانونه يې اړولي دي.


د اوکراین د هوايي دفاعي ځواکونو په خبره، ۲۰ هغه بې پیلوټه الوتکې يې راغورځولي چې کییف او د اوکراین نور ښارونه يې په نښه کول.


د اوکراین د لوی درستیز دفتر نن د جولای۱۳مه ویلي، د جګړې په ډګر کې اوکرایني ځواکونو د دونتسک په ختیځ باخموت ښار کې په ۳۵ جنګي عملیاتو برخه اخیستې وه.