سي پي جی: طالبان دې د واشنګټن پوسټ خبریالې ته د فعالیت اجازه ورکړي
دغې نړیوالې کمېټې پرون په یوه مفصله اعلامیه کې ویلي باید په افغانستان کې پر مطبوعاتو د فشارونو ټولې هڅې ودرول شي.
د اعلامیې له مخې د واشنګټن پوسټ مشر اډیټرې سالې بزبي ویلي، سوسانا جورج ته چې په اسلام اباد کې اوسېږي او د افغانستان تر څنګ د پاکستان لپاره د دوی د بیرو مشره ده، د طالبانو له خوا اطلاع ورکړل شوې چې له افغانستانه بیا راپور نه شي ورکولی.
واشنګټن پوسټ هم په یوه اعلامیه کې ویلي مېرمن جورج له افغانستانه وروستی راپور د ۲۰۲۱م کال په نومبر میاشت کې ورکړی و.
یوه خبریال چې له دې موضوع خبر و، د خبریالانو د خوندیتوب کمېټې ته د نوم نه ښوولو په شرط ویلي، طالب چارواکو د جورج ویزه او کاري جواز نه دي تمدید کړي.
د طالبانو چارواکو پر رسنیو فشارونه زیات کړي او د دوی پر کار یې ډول ډول محدودیت لګولی دی.