راميز الکبروف د طالبانو د اقتصاد وزير ته: په مؤسسو کې د ښځو پر کار بنديز پرېکړه مو لغوه کړئ

په افغانستان کې د ملګرو ملتونو سازمان سیاسي استازولۍ سرپرست رامیز الکبروف د طالبانو د اقتصاد وزیر سره کتلي او له هغه یې غوښتي چې په غیر دولتي موسسو کې د نجونو او ښځو په کار د بندیز پرېکړه لغوه کړي.


یوناما نن په خپله ټویټرپاڼه لیکي، میلیونونه افغانان بشري مرستو ته اړتیا لري او په دې برخه کې د خنډونو لېرې کول حیاتي دي.




طالبانو د شنبې په ورځ افغان نجونې او ښځې غیر دولتي موسسو سره له کار کولو منع کړې.


دې پرېکړې پراخ غبرګونونه را پورته کړي، هغه چې طالبان یې له امله خورا سخت غندل شوي دي.