د پاکستان پخوانی صدراعظم عمران خان نن په یوه برید کې ټپي شوی.
د تحریک انصاف ګوند یوه چارواکي اسدعمر رسنیو ته تایید کړې چې خان په پښه لګېدلی او ډېر نه دی ژوبل.
چا د دې برید مسؤلیت نه دی منلی.
د برید په نتیجه کې د عمران خان یو شمېر پلویان هم ژوبل شوي.
خان او پلویان یې د ختیځ پنجاب په وزیر اباد سیمه کې اسلام اباد ته په لار تر برید لاندې راغلي.
دوی د یوه لاریون لپاره په څو موټرو او کاروانو کې د پلازمېنې پر لور روان وو.
خان چې له کومه وخته بې واکه شوی د پاکستان ځواکمن پوځ او استخباراتو کې ځینې چارواکي د ده په ضد د دسیسې په جوړولو تورن کړي.
خو پوځ دا تورونه بې ځایه بللي او ویلي یې دي چې په سیاسي مسایلو کې لاسوهنه نه کوي.
