ډاکټر عبدالله عبدالله له ټام وېسټ سره د نجونو د ښوونځيو پر پرانيستلو خبرې کړي
ښاغلي عبدالله نن په خپل رسمي فېسبوک کې لیکلي، چې له ټام وېست سره یې په خبرو کې ویلي، چې د نجونو د ښوونځیو پرانیستل د افغانانو اړتیا او غوښتنه ده.
څه باندې ۴۰۰ ورځې کېږي چې طالبانو په افغانستان کې د نجونو پرمخ د منځنیو ښوونځیو او لېسو دروازې تړلې دي.
د عبدالله عبدالله په خبره په دغو بحثونو کې یې ویلي چې د اوسنیو ستونزو د حل او په هېواد کې د عمومي ثبات لپاره واقعي بین الافغاني خبرې یوه اړتیا ده.
ټام وېسټ تېره پنج شنبه له پخواني ولسمشر حامد کرزي سره هم په ټلیفوني خبرو کې د افغانانو ترمنځ د رښتیني ملي ډیالوګ پر بېړنۍ اړتیا خبرې کړې وې.