د روسیې او چین ولسمشران د جي ۲۰ هېوادونو سرمشریزه کې ګډون کوي
ټاکل شوې ده چې د شلو سترو اقتصاد لرونکو هېوادونو سرمشریزه د سږ کال د نوومبر په منځویو کې د اندونیزیا په بالي ټاپو کې جوړه شي.
د اندونیزیا ولسمشر وویل، د چین ولسمشر شي جین پینګ به ورشي او ولسمشر پوتین هم ورته ویلي چې ورځي.
دا سرمشریزه کېدای شي چې د نړۍ د لانجمنو مسئلو پر سر د امریکا د ولسمشر جو بایډن او د ده د سیالانو ترمنځ خبرو ته فرصت برابر کړي.