په بلوچستان کې پاکستانۍ هیليکوپټره تري تم شوې
د پاکستان پوځ په یوه خبرپاڼه کې ویلي، چې له دې هیليکوپټره سره چې بلوچستان کې د ژغورنې په چارو بوخته وه، پرون ماذدیګر پنځه بجې اړیکه پرې شوې ده.
خبرپاڼه کې راغلي، چې په هیليکوپټره کې یو پوځي جنرال او د پوځ نور لوړپوړي غړي سپاره وو.
ځینو راپورونو کې ویل شوي، چې هیليکوپټره غورځېدلې ده، خو پوځ لا دا راپورونه نه دي تایید کړي.
پوځ ویلي، د پلټنې عملیات یې پيل کړي دي.