ايران د طالبانو له لوري د خپل سرتېري پر وژل کېدو غبرګون وښود
د ایران د بهرنیو چارو وزارت وياند د چهارشنبې په ورځ وویل چې له افغان واکمنانو غواړي چې د ایران د سیستان او بلوچستان او د افغانستان د نیمروز ولایتونو ترمنځ د میلک په پوله کې د شخړې په نتیجه کې د یوه ایراني پوله ساتي د وژلو عاملانو ته سزا ورکړي او داسې اقدامات وکړي چې دا ډول پېښې بیا تکرار نهشي.
راپورونه وايي، د سې شنبې په ورځ د طالبانو او ایراني پوله ساتو ترمنځ هغه مهال شخړه وشوه چې د ځینو راپورونو پر اساس ایراني پوله ساتو پر دوو افغان ماشومانو ډزې وکړې او مرګ ژوبله یې ور واړوله.
ایران د خپل وژل شوي پوله ساتي نوم محمد صیاد ښوولی دی.