طالبان د بندرونو د عصري کولو لپاره يوې بهرنۍ کمپنۍ سره تړون کوي
دغه دفتر پر خپله ټوېټر پاڼه لیکلي دي، چې د طالبانو د حکومت اقتصادي کمېسیون د متحده عرب اماراتو له DP World کمپنۍ سره د افغانستان د بندرونو د عصري کولو او د افغانستان د صادراتو لپاره د اسانتياوو برابرولو په برخه کې د تفاهم پرېکړه وکړه.
په توېټ کې دا هم راغلي، چې اقتصادي کمېسیون په غونډه کې د افغانستان رېل پټلۍ ادارې ته هم اجازه ورکړل شوه چې د حیرتان رېل پټلۍ د خدماتو پروژه نوي قرارداد داوطلبۍ ته وړاندې کړي.
د طالبانو حکومت اقتصادي کمېسیون ویلي دي، چې د حیرتان رېل پټلۍ بشپړ مسولیت به د طالبانو له حکومت سره وي خو د خدماتو وړاندې کولو لپاره به له بل شرکت سره قرارداد کېږي.