پر مرستو د څار په موخه يو هندي پلاوی کابل ته تللی
په اعلامیه کې د غنمو، درملو، واکسینونو او ژمنیو جامو په برخه کې د هند د بشري مرستو یادونه هم شوې چې په تېرو څو میاشتو کې افغانستان ته رسېدلي.
هند د طالبانو له بیا واکمنېدو راهیسې له افغانستان سره د ژمنیو جامو ترڅنګ شاوخوا ۲۰ زره متریک ټنه غنم، ۱۳ ټنه درمل او د کرونا ضد واکسین ۵۰۰ زره دوز مرسته کړې ده.
تمه ده هندی پلاوی له طالب چارواکو سره د همدغو بشري مرستو په تړاو بحثونه هم ولري.
د تېر کال په اګست میاشت کې د طالبانو له واکمنۍ وروسته هند هم د نورو هېوادونو په څېر په کابل کې خپل سفارت وتړو.
هند له پاکستان سره د طالبانو د نږدې اړیکو له امله د افغانستان له اوسنیو واکمنانو سره سړې اړیکې لري.