امریکا او ایرلنډ په افغانستان کې د هزاره ګانو تدریجي وژنې او د افغان مېرمنو د حقونو په اړه جدي اندېښنه ښودلي.
په افغانستان کې د هزاره ګانو وژل ، د مېرمنو د حقونو تر پښو لاندې کول او له زده کړو د دوی لرېوالی هغه موارد دي چې امریکا او ایرلنډ یې په اړه اندېښنې لري.
د افغانستان لپاره د امریکا ځانګړي استازي توماس ویست په خپل ټویټر پاڼه لیکلي چې په ورستیو څو اونیو کې د افغانستان په یو شمېر ولایتونو کې د هزاره ګانو په تدریجي ډول وژل د اندېښنې وړ مسله ده.
هغه لیکلي په افغانستان کې له زده کړو د مېرمنو لرې ساتل او د حقوقو تر پښو لاندې کول ددوی په وړاندې زور زیاتی دی.
نوموړي دغه خبرې د افغانستان د بشري حقونو خپلواک کمېسیون له پخوانې مشرې شهزاد اکبر سره کړې.
له بلې خو بیا په ملګرو ملتونو کې د ایرلنډ هېواد سفیر امبرین ناسون د ملکرو ملتونو د بشري حقونو په برخه کې ځانګړي راپور ورکونکي ریچارډ بینټ سره په کتنه کې د هزاره ګانو وژنې تر څنګ د افغان مېرمنو د حقوقو په برخه کې خپلې اندېښنې شریکي کړي.
هغه په خپل ټویټر لیکلي چې افغان مېرمنې باید له روان حالته ووځي او نړۍ باید د دوي لاسنوی وکړي.
دا اندېښنې په داسې حال کې راپورته کېږي چې په دې ورستیو کې په افغانستان کې د هزاره ګانو جوماتونه او سیمې تر بریدونو لاندې راغلې او زیات شمېر یې ووژل چې د ډېریو مسولیت د داعش خراسان ډلې منلی.
له دې ور ها خوا بیا طالبانو له شپږم ټولکي پورته د ښوونځي دروازې د نجونو پر مخ تړلي او لا هم دغه چاره روانه ده.
