ملګري ملتونه: نږدې ۳،۶ ملیونه اوکراینیان نورو هېوادونو ته کډوال شوي
د دې ادارې د اړیکو د برخې مسؤل انډریس کرچ هاف پرون وویل چې یوازې دوه ملیونه او یو لک اوکراینیان پولنډ ته تللي دي.
نوموړي زیاته کړه چې له نړیوالې دوهمې جګړې راوروسته دا په اروپا کې د کډوالۍ تر ټولو ستر بحران دی.
پر اوکراین د روسیې د برید روانه اوونۍ میاشت پوره کېږي.
د ملګرو ملتو په وینا تر اوسه په دې جګړه کې ۹۵۳ ملکیان وژل شوي، خو داسې ښکاري چې د دې تلفاتو اصلي شمېرې به تر دې ډېرې لوړې وي.